陶大宇提到當年與李珊珊一齊出席聚會大玩猜枚，二人組成一隊卻狂輸，陶大宇不想對方飲太多，於是主動為她頂酒，更要杯杯清，最後回家卻斷片。陶大宇續表示凌晨半醒時發現後尾枕很濕，才意識到撞穿頭：「我唔知點樣返屋企，瞓醒點解後尾枕枕頭咁濕，原來全部血，起身見到好似兇案現場，點解有條血路，由床、客廳到廁所，嗰時我仲有酒氣，第一時間去醫院縫針；後來諗番，懷疑半夜起身去廁所，因為斷咗片，撞穿頭都唔知，行番去睡房瞓，血路就咁滴到房，因為冇止血，成晚係咁流，咁會死㗎! 」陶大宇表示經過這次教訓後，這廿多年來飲酒適可而止。

陶大宇年前因翻唱劉德華《倒轉地球》人氣再度爆紅，帶挈他接了不少登台工作，他更一度被指搵夠不再拍戲，陶大宇解釋表示：「是『拍戲』呢兩個字突然在我的藝術生命中消失了，幸好誤打誤撞做商演，不拍戲走去唱歌，在另一個範疇延續在圈中生存，」